بلوچستان: لیویز فورس نے کوہلو میں دہشتگردی کی بڑی کوشش ناکام بنا دی

کوہلو (ڈیلی اردو) بلوچستان لیویز فورس نے ضلع کوہلو میں دہشت گردی کی بڑی کوشش ناکام بنا دی اور زیر زمین چھپایا گیا بھاری تعداد میں اسلحہ و گولا بارود برآمد کرلیا۔

تفصیلات کے مطابق کوہلو میں لیویز فورس نے سوراف نالہ کے علاقے میں تخریب کارروں کے ٹھکانے پر بڑی کارروائی کی اور کارروائی کے دوران زیر زمین چھپایہ گیا بھاری تعداد میں اسلحہ و گولا بارود برآمد کرلیا ہے۔کارروائی میں آئی ای ڈی 3 عدد، اے آئی ایم 7 عدد، اے پی ایم 7 عدد، ڈور ہینڈ گرنیڈ 5 عدد، 38 مارٹر کے 140 گولے، اے جی ایس گرنڈ 354، 38 مارٹر بیک فیوز 86 عدد، 38 مارٹر فرنٹ فیوز 106 عدد، اے جی ایس 17 گرنیڈ، 354 عدد سمیت بھاری تعداد میں اسلحہ برآمد کیا گیا۔

رسالدار میجر شیر محمد مری نے پریس کانفرنس کے دوران صحافیوں کو بتایا کہ تخریب کار اسحلہ کو صوبے میں تخریب کاری کےلئے استعمال کرنے کا منصوبہ رکھتے تھے تاہم لیویز فورس نے بروقت کارروائی کرتے ہوئے صوبے کو بڑی تباہی سے بچا لیا ہے۔

ان کا کہنا تھا کہ ملزمان کی سرکوبی کی جارہی ہے جلد پکڑنے میں کامیاب ہوں گے، ضلع میں امن دشمن عناصر کے خلاف لیویز فورس کی کاروائیوں کا سلسلہ جاری رہے گا۔