بنوں: آبادی میں ڈرون گرنے سے 3 بچے ہلاک، ایک زخمی

بنوں (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع بنوں میں کواڈکاپٹر ڈرون آبادی میں گرنے کے نتیجے میں تین بچے ہلاک جبکہ ایک بچہ زخمی ہو گیا۔ ذرائع کے مطابق واقعہ بنوں کے علاقے ممند خیل میں پیش آیا۔

واقعے کے بعد مقامی افراد نے فوری طور پر امدادی کارروائیاں شروع کیں، جبکہ ریسکیو اور سکیورٹی اہلکار بھی جائے وقوعہ پر پہنچ گئے۔ ہلاک ہونے والے بچوں کی لاشوں اور زخمی بچے کو قریبی ہسپتال منتقل کر دیا گیا، جہاں زخمی کی حالت خطرے سے باہر بتائی جا رہی ہے۔

واقعے کے بعد علاقے میں خوف و ہراس پھیل گیا، جبکہ سکیورٹی اداروں نے علاقے کو گھیرے میں لے کر واقعے کی تحقیقات شروع کر دی ہیں۔