بنوں: منشیات فروشوں کی فائرنگ سے ایس ایچ او عبدالحمید خان شہید، دو منشیات اسمگلر ہلاک

پشاور (ڈیلی اردو) خیبر پختونخوا کے ضلع بنوں میں منشیات فروشوں سے مقابلے کے دوران فائرنگ سے ایس ایچ او شہید سٹی شہید ہوگئے جب کہ دو منشیات فروش بھی مارے گئے۔

اطلاعات کے مطابق بنوں کی حدود میں واقع محمد گلی میں پولیس پارٹی پر فائرنگ ہوئی جس کے باعث ایس ایچ او سٹی عبدالحمید خان شہید ہوگئے۔ جبکہ دو منشیات فروش بھی ہلاک ہوگئے۔

اطلاع ملتے ہی پولیس کی مزید نفری پہنچ گئی اور علاقے کو گھیرے میں لے لیا، چائے بازار روڈ کو ہر قسم ٹریفک کے لیے بند کردیا جب کہ شہید ایس ایچ او سٹی عبدالحمید خان کی لاش ڈسٹرکٹ ہیڈ کوارٹر ہسپتال بنوں منتقل کردی۔

پولیس ذرائع کا کہنا ہے کہ مقابلے میں مارے گئے ایک ملزم کی شناخت نایاب عرف نایابی کے نام سے ہوئی جکبہ فائرنگ کرنے والے دو افراد کو گرفتار کر لیا گیا۔

اس حوالے سے آئی جی خیبر پختونخوا ثنا اللہ عباسی نے بتایا کہ بنوں میں پولیس پارٹی کا منشیات فروشوں کے ساتھ مقابلہ ہوا، دو طرفہ فائرنگ کے تبادلے میں دو منشیات فروش اسمگلر بھی مارے گئے جنہوں نے پولیس پارٹی پر فائرنگ کی تھی۔

آئی جی کے مطابق پولیس جرائم پیشہ افراد اور منشیات فروشوں کے خلاف آپریشن کررہی تھی اس دوران یہ واقعہ پیش آگیا۔