بنوں میں دہشتگردوں کی فائرنگ، دو بھائی ہلاک

بنوں(ڈیلی اردو) خیبرپختونخواہ کے شورش زدہ ضلع بنوں کی تحصیل بکاخیل کے علاقے سردی خیل اڈا کے قریب نامعلوم دہشتگردوں نے فائرنگ کرکے دو بھائیوں کو ہلاک کردیا۔

پولیس کے مطابق فائرنگ کا واقعہ سردی خیل اڈا کے قریب پیش آیا، جہاں مسلح افراد نے دونوں بھائیوں کو نشانہ بنایا اور موقع سے فرار ہوگئے۔

پولیس نے بتایا کہ ہلاک ہونے والے بھائیوں کی شناخت رسول محمد اور حفیظ اللہ کے نام سے ہوئی ہے، دونوں کا تعلق سردی خیل، بنوں سے تھا۔

واقعے کے بعد پولیس نے علاقے میں کارروائی شروع کردی جبکہ دونوں لاشوں کو ضروری قانونی کارروائی اور پوسٹ مارٹم کے لیے ڈسٹرکٹ ہیڈکوارٹر ہسپتال بنوں منتقل کردیا گیا۔ واقعے کی مزید تحقیقات جاری ہیں۔