بنوں میں دہشت گردوں کا سکول پر حملہ

بنوں (ڈیلی اردو رپورٹ) پاکستان کے شورش زدہ صوبہ خیبر پختونخوا کے ضلع بنوں میں دہشت گردوں کی جانب سے ایک سکول پر فائرنگ کا واقعہ پیش آیا ہے، جس کے بعد علاقے میں خوف و ہراس پھیل گیا۔

مقامی ذرائع کے مطابق بنوں شہر میں گل شیرین سکول کو نشانہ بناتے ہوئے دہشت گردوں نے فائرنگ کی، جو کچھ دیر تک جاری رہی۔

خوش قسمتی سے واقعے میں کسی جانی یا مالی نقصان کی اطلاع موصول نہیں ہوئی۔

واقعے کے بعد سکیورٹی فورسز اور قانون نافذ کرنے والے اداروں کے اہلکار موقع پر پہنچ گئے اور علاقے میں سرچ آپریشن شروع کر دیا گیا ہے۔

پولیس کے مطابق واقعے کی مزید تحقیقات جاری ہیں جبکہ علاقے میں سکیورٹی مزید سخت کر دی گئی ہے۔