بنوں میں دہشت گردوں کا پولیس چوکی پر حملہ، 2 اہلکار زخمی، ایس ایچ او سمیت کئی اہلکار اغوا

اسلام آباد (ش ح ط) صوبہ خیبر پختونخوا کے ضلع بنوں میں نامعلوم دہشت گردوں نے پولیس چوکی پر حملہ کر دیا، حملہ میں دو پولیس اہلکار زخمی ہوگئے جبکہ ایس ایچ او سمیت کئی اہلکاروں کو اغوا کر لیا گیا۔

بنوں کے علاقے کینٹ میں نامعلوم مسلح افراد کا پولیس چوکی/موبائل گاڑی پر حملہ، مسلح افراد نے چند پولیس اہلکاروں کو اغوا کر لیا جبکہ گاڑی اور اسلحہ بھی ساتھ لے گئے ہیں۔#Bannu #Pakistan @Natsecjeff

— Shabbir Hussain Turi (@ShabbirTuri) August 18, 2022

بنوں سے ملنے والی اطلاعات میں عینی شاہدین کا کہنا ہے کہ یہ واقعہ جمعرات کی رات سب ڈویژن وزیر کے علاقے باران ڈیم ایریا میں پیش آیا۔

ذرائع کا کہنا ہے کہ سب ڈویزن وزیر باران ڈیم ایریا میں خادم حسین چیک پوسٹ پر دہشت گردوں نے حملہ کر دیا، حملے میں دو پولیس اہلکار زخمی ہوگئے جبکہ دہشت گردوں نے ایس ایچ او سب ڈویژن رضوان خان سمیت کئی اہلکاروں کو اغوا کرلیا ہے۔

In SD Wazir, Bannu, Khyber Pakhtunkhwa, militants have attacked a police checkpost. There are reports that some policemen have been allegedly kidnapped by the attackers while their vehicles and ammunition have also been confiscated. However, situation remains unclear: Police

— The Khorasan Diary (@khorasandiary) August 18, 2022

ذرائع کا مزید کہنا ہے کہ حملے کے نتیجے دو پولیس اہلکار زخمی ہوئے جبکہ حملہ آور زخمی اہلکاروں کا اسلحہ اور گاڑی بھی ساتھ لے گئے۔

پولیس نے معمول کی کارروائی کرتے ہوئے علاقے کو گھیرے میں لے کر سرچ آپریشن شروع کر دیا ہے لیکن فی الحال کوئی گرفتاری عمل میں نہیں آئی ہے۔

بنوں :ضلعی پولیس سربراہ ڈاکٹر محمد اقبال کی قیادت میں پولیس کا مہمند خیل اور ملحقہ علاقوں میں شرپسندوں کے خلاف سرچ اینڈ سٹرائیک آپریشن

شرپسند عناصر کیلئے علاقے میں کوئی جگہ نہیں۔ آخری دم تک انکا مقابلہ کرکے انکے ناپاک عزائم خاک میں ملائے جائیں گے۔ڈی پی او بنوں ڈاکٹر محمد اقبال pic.twitter.com/b3qBEN7J2Y

— KP Police (@KP_Police1) August 19, 2022