بنوں میں دہشت گردوں کی فائرنگ سے سی ٹی ڈی اہلکار ہلاک

بنوں (ڈیلی اردو) صوبہ خیبرپختونخوا کے ضلع بنوں میں دہشت گردوں کی فائرنگ سے کاؤنٹر ٹیررزم ڈیپارٹمنٹ (سی ٹی ڈی) کا ایک اہلکار ہلاک ہوگیا۔

تفصیلات کے مطابق بنوں تھانہ کینٹ کی حدود پیر دل کلہ میں نامعلوم دہشت گردوں کی فائرنگ سے سی ٹی ڈی اہلکار زبیر خان ہلاک ہوگیا ہے۔ پولیس کانسٹیبل زبیر خان کا نماز جنازہ اقبال پولیس لائن بنوں سرکاری اعزاز کے ساتھ ادا کردیا گیا ہے۔

پولیس کے چاق و چوبند دستے نے پولیس اہلکار کے جسد خاکی کو سلامی پیش کی اور اس موقع پر ڈی آئی جی بنوں عمران شاہد نے کیا کہ پولیس کانسٹیبل زبیر خان جیسے جوان ہمارا فخر ہے اور خیبرپختونخوا پولیس نے ہمیشہ فرنٹ لائن پر دہشتگردوں کا مقابلہ کیا ہے۔

ذرائع کے مطابق واقعہ کے بعد ملزمان فرار ہوگئے۔ سی ٹی ڈی اہلکار تھانہ زرمک میں تعینات تھا، چھٹی پر گھر آیا تھا۔ پولیس کا کہنا ہے کہ انہوں نے واقعے کی تحقیقات شروع کردی ہے.