بنوں میں سیکورٹی فورسز کا آپریشن، کالعدم تنظیم کا اہم کمانڈر ہلاک

راولپنڈی + بنوں (کاشف محمود/نمائندہ ڈیلی اردو) سکیورٹی فورسز نے خیبرپختونخوا کے ضلع بنوں میں شدت پسندوں کے خلاف آپریشن کیا جس دوران فائرنگ کے تبادلے میں کالعدم تنظیم کا ایک اہم کمانڈر مارا گیا۔

https://twitter.com/ShabbirTuri/status/1581559520471359490?t=x_kreHZQPcndOJgC85UFxg&s=19

پاکستانی فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے خفیہ اداروں کی جانب سے بنوں کے علاقے جانی خیل میں شدت پسندوں کی موجودگی کی اطلاع پر آپریشن کیا، شدید فائرنگ کے تبادلے میں ایک شدت پسند مارا گیا۔

آئی ایس پی آر کا کہنا ہے کہ ہلاک شدت پسند سے اسلحہ اور گولہ بارود بھی برآمد ہوا ہے، آئی ایس پی آر کا کہنا ہے کہ ہلاک شدت پسند سکیورٹی فورسز پر حملوں میں ملوث تھا۔

بنوں سے نمائندہ ڈیلی اردو کے مطابق ضلع بنوں کے علاقے سرہ درگہ میں سیکورٹی فورسز کے ساتھ جھڑپ میں کالعدم ٹی ٹی پی کا کمانڈر مختار عرف عمر مروت مارا گیا۔ دوسری جانب حافظ گل بہادر گروپ نے دعویٰ کیا ہے کہ جھڑپ میں پانچ اہلکار ہلاک و زخمی ہوئے۔