بھارتی کشمیر میں دستی بم حملہ، 2 مزدور ہلاک

سرینگر (ڈیلی اردو) بھارت کے زیر انتظام کشمیر میں گزشتہ روز ایک دستی بم حملے میں دو غیر کشمیری مزدور ہلاک ہو گئے ہیں۔

Two non local labourers from UP were killed after militants hurled a grenade at them in Harmen area of south Kashmir’s Shopian district pic.twitter.com/qBfSurs997

— Imran nissar (@Imrannissar2) October 18, 2022

کشمیر میڈیا سروس کے مطابق ضلع شوپیاں کے علاقے ہرمن میں تلاشی کی کارروائی کے دوران دستی بم کے دھماکے میں دو غیر کشمیری مزدور شدید زخمی ہو گئے جو بعد ازاں ہسپتال میں زخموں کی تاب نہ لاتے ہوئے چل بسے۔

جبکہ بھارتی تحقیقاتی ادارے اسپیشل انویسٹی گیشن یونٹ نے پیراملٹری فورسز کے ہمراہ ضلع پلوامہ کے متعدد علاقوں میں چھاپے مارے۔ دوسری جانب انتہا پسند ہندو بلوائیوں نے سری نگر میں کل جماعتی حریت کانفرنس کے دفتر پر حملہ کیا ہے، ہندو بلوائیوں نے بھارتی پولیس اور پیرا ملٹری فورسز کی پشت پناہی میں حریت کانفرنس دفتر کے مین گیٹ پر نصب بورڈ کو اکھاڑ پھینکا۔ بھارتی کشمیر میں نیشنل کانفرنس کے نائب صدر عمر عبداللہ نے کہا ہے کہ مقبوضہ علاقے کی موجودہ صورتحال مودی حکومت دعوئوں کے برعکس  ہے۔