جشن عید میلاد النبیﷺ آج مذہبی عقیدت و احترام سے منایا جارہا ہے

کراچی (ویب ڈیسک) جماعت اہلسنّت پاکستان کراچی کے تحت عید میلاد النبی کا مرکزی جلوس نیو میمن مسجد بولٹن مارکیٹ سے نکالا جائے گا۔ جلوس کے اختتام پر امیر جماعت اہلسنّت پاکستان کراچی علامہ سید شاعبد الحق قادری، حاجی حنیف طیب، مولانا ابرار احمد رحمانی و دیگر قائدین خطاب کریں گے۔

جماعت اہلسنّت پاکستان کراچی کے تحت عید میلاد النبی کا مرکزی جلوس نیو میمن مسجد بولٹن مارکیٹ بعد نماز ظہر روانہ ہوگا جو کہ ایم اے جناح روڈ سے ہو کر نشتر پارک پر پہنچے گا۔ نشتر پارک پر جلسہ عام سے بعدع نماز عصر امیر جماعت اہلسنّت پاکستان کراچی علامہ سید شاعبد الحق قادری، حاجی حنیف طیب، مولانا ابرار احمد رحمانی ودیگر قائدین اہلسنّت خطاب کریں گے۔

عید میلاد النبی کیلئے نکالے گئے جلوس کی سیکیورٹی کے لیے چار ہزار 406 پولیس کے جوان تعینات ہوں گے۔ ترجمان سندھ پولیس کے مطابق جلوس کی سیکیورٹی پر 17 ایس ایس پیز، 46 ڈی ایس پیز شامل ہوں گے۔ جلوس میں پولیس کی 71 موبائل، 158 موٹر سائکلیں،سات بکتر بنند گاڑیاں، چھ پرائیوٹ وین، 30 ایمبولینس اور 15 فائر برگیڈ کی گاڑیاں شامل ہوں گی جبکہ جلوس سے قبل ڈی آئی جی ساؤتھ شرجیل کھرل کی سربراہی میں ڈی آئی جی ساؤتھ آفس میں سیکورٹی انتظامات کا جائزہ لینے کیلئے اجلاس ہوگا۔

جلوس میں کسی قسم کا اسلحہ بشمول لائسنس یافتہ اسلحہ لے کر چلنے پر یا نمائش کی سخت ممانعت ہے اس کی خلاف ورزی پر سخت قانونی کروائی کی جائے گی۔ جلوس میں خواتین اور چھوٹے بچوں کا داخلہ ممنوع ہے۔ جلوس میں داخل ہونے والے ہر شخص کو چک کر کے واک تھرو گیٹ سے داخل کیا جائے۔