جنوبی وزیرستان میں دھماکہ ،قبائلی رہنما کا بیٹا ہلاک ، 4افراد زخمی

وزیرستان(ڈیلی اردو)‌خیبر پختونخوا کے ضلع جنوبی وزیرستان میں گاڑی کے قریب دھماکہ ہوا ہے جس کے نتیجے میں قبائلی رہنماء کا بیٹا ہلاک جبکہ ملک جمیل سمیت 4افراد زخمی ہو گئے ۔
پولیس کے مطابق دھماکہ جنوبی وزیرستان کی تحصیل وانا کے گائوں کڑی کوٹ میں قبائلی رہنماء ملک جمیل کی گاڑی کے قریب ہوا ۔
ملک جمیل وانا بازار جارہے تھے کہ راستے میں سڑک کنارے ان کی گاڑی کے قریب دھماکہ ہوا جس کے نتیجے میں ان کا بیٹا شمس الدین موقع پر ہلاک ہو گیا ۔
پولیس حکام کے مطابق دھماکے نتیجے میں گاڑی میں موجود قبائلی رہنما ملک جمیل اور 2 راہگیر سمیت 4 افراد زخمی بھی ہوئے ہیں، جنہیں فوری طور پر اسپتال منتقل کر دیا گیا ۔
واقعے کی تحقیقات جاری ہیں اور مزید معلومات جمع کی جا رہی ہیں۔
بعدازاں قبائلی رہنما ملک جمیل نے میڈیا سے بات کرتے ہوئے کہا کہ ان کی کسی سے ذاتی دشمنی نہیں ہے۔