حزب اللہ کے میزائل حملوں کے بعد اسرائیل کی جنوبی لبنان پر بمباری

تل ابیب (ڈیلی اردو/بی بی سی) لبنان کی حدود سے اسرائیل کی سرحدی فوجی چوکی پر میزائل حملے کے بعد اسرائیل کی فوج نے کہا ہے کہ وہ لبنانی علاقے پر جوابی حملہ کر رہی ہے۔

???? IDF initial report: Anti-tank missile fire in northern Israel near Lebanon border; suspected infiltration attempt near border town of Rosh HaNikra pic.twitter.com/kcsQmthbjc

— i24NEWS English (@i24NEWS_EN) October 11, 2023

بدھ کی صبح ہونے والے اس میزائل حملے کی ذمہ داری حزب اللہ نے قبول کی تھی۔ حزب اللہ نے کہا تھا کہ اس نے اسرائیلی فوج سے جھڑپ میں اپنے تین جنگجوؤں کی ہلاکت کے جواب میں اسرائیلی چوکی پر دو میزائل داغے تھے۔

لبنان کے سرکاری میڈیا کا کہنا ہے کہ جنوبی لبنان میں دو علاقوں پر اسرائیل کی جانب سے گولہ باری کی جا رہی ہے۔

لبنان کی قومی خبر رساں ایجنسی کا کہنا ہے کہ ’دہیرا کے اردگرد کے علاقے پر دشمن کے توپخانے سے گولہ باری کی جا رہی ہے جبکہ یارین کے علاقے کو فاسفورس کے گولوں سے نشانہ بنایا جا رہا ہے‘۔

بی بی سی ان دعوؤں کی آزادانہ ذرائع سے تصدیق نہیں کر سکا ہے۔