خانیوال: میاں چنوں میں مدرسے جانے والے بچے سے زیادتی، ملزم گرفتار، ایک فرار

میاں چنوں (ڈیلی اردو) پنجاب میں بچوں کے ساتھ جنسی زیادتی کا ایک اور واقعہ پیش آیا ہے،جہاں مدرسہ جانے والے بچے کو ملزمان نے اپنے ہوس کا نشانہ بنا ڈالا ہے۔

تفصیلات کے مطابق واقعہ پنجاب کے ضلع خانیوال کی تحصیل میاں چنوں کے علاقے محلہ اسلام آباد میں پیش آیا ہے، متاثرہ بچے کے والد اصغر علی نے بتایا کہ آٹھ سالہ عثمان کو کاشف اور طلحہ نامی ملزمان نے مدرسے جاتے ہوئے زیادتی کا نشانہ بنایا۔

متاثرہ بچے کے والد نے بتایا کہ زیادتی کے بعد ملزمان بچے کو چھوڑ کر فرار ہوگئے، جبکہ متاثرہ عثمان ٹی ایچ کیو اسپتال میں زیر علاج ہے۔

واقعے کے بعد پولیس فوری حرکت میں آئی اور کاشف اور طلحہ کے خلاف مقدمہ درج کرتے ہوئے ملزم کاشف کو گرفتار کرلیا ہے جبکہ ساتھی فرار ہونے میں کامیاب ہوگیا ہے، جس کی تلاش کے لئے چھاپے مارے جارہے ہیں۔