خیبر: باڑہ میں فائرنگ، پولیس اہلکار سمیت 3 افراد ہلاک، 2 زخمی

باڑہ (نمائندہ ڈیلی اردو/ٹی این این) پاکستان کے صوبے خیبر پختونخوا کے قبائلی ضلع خیبر میں نامعلوم افراد کی فائرنگ سے پولیس اہلکار سمیت تین افراد ہلاک جبکہ دو افراد زخمی ہو گئے۔

تفصیلات کے مطابق باڑہ بازار قمبر آباد کے نزدیک موٹر بارگین میں نامعلوم افراد کی اندھا دھند فائرنگ کے نتیجے میں سپیشل برانچ کے اہلکار عبدلوالی خان، محمد افضل اور قسمت خان ہلاک ہوگئے جبکہ زخمیوں میں عابد اور محمد حسین غازی شامل ہیں۔

وقوعہ کے بعد پولیس افسران بھاری نفری کے ہمراہ موقع پر پہنچے، لاشوں اور زخمیوں کو حیات اباد میڈیکل کمپلیکس پشاور منتقل کر دیا، جبکہ علاقے کو گھیرے میں لے کر سرچ آپریشن کا آغاز کر دیا گیا۔

خیال رہے کہ گزشتہ شب پشاور کے علاقے بڈھ بیر میں شدت پسندوں نے جے یو آئی رہنماء مولانا قاضی ظہور احمد کو فائرنگ کر کے ہلاک کر دیا تھا۔

تین روز قبل ضلع ٹانک کے علاقے گرہ شادہ میں شدت پسندوں نے پولس کانسٹیبل اختر زمان کا گھر نذرآتش کر دیا اور اسے اپنے ساتھ لے گئے تھے۔ بعد ازاں اسکی لاش قریبی کھیتوں سے برآمد ہوئی۔