خیبر: وادی تیراہ میں دھماکا، ایف سی کے 2 اہلکار شدید زخمی

باڑہ (نمائندہ ڈیلی اردو) ‏صوبہ خیبر پختونخوا کے قبائلی ضلع خیبر کی دور افتادہ وادی تیراہ میں ایف سی قافلے پر بارودی سرنگ کے ایک دھماکے میں سکیورٹی فورسز کے دو اہلکار شدید زخمی ہوگئے ہیں۔

Another militant attack in Khyber: Two FC personnel wounded in an IED explosion. #Pakistan https://t.co/qIiAkrNVHN

— FJ (@Natsecjeff) June 18, 2023

سرکاری ذرائع نے ڈیلی اردو کو بتایا کہ وادی تیراہ کے علاقے خواجل خیل میں ایف سی قافلے پر بارودی سرنگ کے دھماکے میں بم ڈسپوزل اسکواڈ اورکزئی سکاؤٹس کے سپاہی شہزاد اور سپاہی حامد شدید ہوگئے۔

دھماکے میں زخمی اہلکاروں کو قریبی ہسپتال منتقل کر دیا گیا۔

سرکاری ذرائع کے مطابق دھماکے کے بعد فرنٹیئر کور (ایف سی) کے اہلکاروں نے علاقے میں سرچ آپریشن شروع کر دیا ہے۔