خیبر پختونخوا میں 120 افراد کو فورتھ شیڈول میں شامل کرنے کا فیصلہ

ڈیرہ اسماعیل خان (سہد وجاہت حسین زیدی ) صوبہ خیبر پختونخوا پولیس نے ڈیرہ اسماعیل خان سمیت صوبے بھر کے 120 افراد کے نام شیڈول فورتھ میں شامل کرنے کی سفارشات کردی ہیں، ان کے نام شیڈول فورتھ میں شامل کرنے کی منظوری صوبائی حکومت کی جانب سے قائم کردہ کمیٹی کے اجلاس میں دے دی جائے گی۔

ڈیرہ اسماعیل خان، پشاور، ،خیبر، باجوڑ، وزیرستان، کرم سمیت دیگر اضلاع کے 120 افراد کے نام شیڈول فورتھ میں شامل کرکے ان کے بیرون ممالک جانے پر پابندی عائد کرنے کی سفارشات کی گئی ہیں۔ ان پر مختلف الزامات عائد ہیں، شیڈول فورتھ میں نام شامل ہونے کے بعد یہ افراد اپنے متعلقہ تھانوں میں حاضری دیں گے۔

شیڈول فورتھ کی فہرست میں تقریباً ساڑھے تین ہزار افراد کے نام شامل کیے جاچکے ہیں۔

شیڈول فورتھ کے لئے محکمہ داخلہ میں قائم کمیٹی ان ناموں کا جائزہ لینے کے بعد اسے شامل کر دیا جائے گا۔