دوحہ: آرمی چیف جنرل قمر باجوہ کی امیر قطر شیخ تمیم بن حماد الثانی سے ملاقات

راولپنڈی (ڈیلی اردو) آرمی چیف جنرل قمر جاوید باجوہ نے قطر کا دو روزہ دورہ کیا۔

پاکستانی فوج کے شعبہ تعلقات عامہ (آئی ایس پی آر) کے مطابق آرمی چیف نے قطر کے احمد بن محمد ملٹری کالج میں پاسنگ آؤٹ پریڈ کا مشاہدہ کیا اور ملٹری کالج کے اعلیٰ معیار کو سراہا۔

آئی ایس پی آر کے مطابق آرمی چیف جنرل قمر جاوید باجوہ نے امیر قطر شیخ تمیم بن حماد الثانی، قطر کے ڈپٹی وزیراعظم اور وزیر دفاع لیفٹیننٹ جنرل غنیم بن شاہین سے بھی ملاقاتیں کیں جن میں میں باہمی دلچسپی کے امور، دفاعی، سیکیورٹی تعاون اور خطے کے سیاسی ماحول پر گفتگو کی گئی۔

آئی ایس پی آر کے مطابق قطری قیادت نے پاکستان اور قطر کے برادرانہ تعلقات کی اہمیت کا اعادہ کیا جب کہ پاکستان اور قطر نے دفاعی تعلقات کو مزید مستحکم بنانے پر بھی اتفاق کیا۔.

Chief of Army Staff General Qamar Javed Bajwa paid a 2 days official visit to Qatar. COAS called on HH Amir Sheikh Tamim bin Hamad Althani. He also met with COS Qatar Armed Forces and witnessed passing out parade at Ahmed Bin Muhammad Military College. pic.twitter.com/CEoFlzQ34n

— Pakistan Embassy Qatar (@PakinQatar) January 29, 2021