دہشتگردی کی کارروائیوں کو روکنے کیلئے وفاق کا خیبر پختونخوا حکومت کی مدد کا فیصلہ

اسلام آباد (ڈیلی اردو) وفاقی وزیر داخلہ رانا نثا اللہ خان کی زیر صدارت امن و امان سے متعلق قائم سٹیرنگ کمیٹی کا اجلاس ہوا ہے، اجلاس میں کمیٹی اراکین خالد مقبول صدیقی، خالد حسین مگسی، محسن داوڑ، انجینئر امیر مقام، انجینئر شوکت اللہ خان، محمد صالح شاہ شریک ہوئے۔ اجلاس میں پی ٹی آئی کے کمیٹی ممبران علی محمد خان اور بیرسٹر محمد علی سیف نے شرکت نہیں کی۔

سٹیئرنگ کمیٹی نے خیبر پختونخوا بالخصوص سوات میں حالیہ دشت گردی واقعات کا جائزہ لیا۔ اجلاس میں دہشت گردی واقعات کے مکمل کنٹرول کے حوالے سے مختلف تجاویز پر تبادلہ بھی خیال کیا گیا.

اجلاس کے بعد سماجی رابطے کی ویب سائٹ ٹویٹر پر فاقی وزیر داخلہ نے اجلاس کے فیصلوں کے متعلق لکھا کہ دہشت گردی کی کارروائیوں کو روکنے کے لیے صوبائی حکومت کی مدد کرنے کا متفقہ طور پر فیصلہ کیا گیا ہیں۔

وزیراعظم کی ملک میں امن وامان کے حوالے سے قائم سٹیئرنگ کمیٹی کا خصوصی اجلاس۔

وفاقی وزیر داخلہ رانا ثناءاللّٰہ سٹیئرنگ کمیٹی کے پہلے اجلاس کی صدارت کر رہے ہیں۔

سٹیرنگ کمیٹی کے خصوصی اجلاس میں سیاسی قیادت شریک ہے۔ pic.twitter.com/IN7QcA3553

— Rana Sanaullah Office (@RSK_Office) October 12, 2022

ان کا کہنا تھا کہ پی ٹی آئی حکومت کو وفاقی حکومت کے خلاف لانگ مارچ کے نام پر چھوٹی موٹی سیاست کرنے کے بجائے صوبے میں امن کو یقینی بنانا چاہیے۔