روس ایران کو اہداف کی نشاندہی میں مدد دے رہا ہے، جرمنی

برلن (ڈیلی اردو/اے ایف پی) جرمنی کے وزیر خارجہ یوہان واڈے فیہول نے کہا ہے کہ روس ایران کو ممکنہ حملوں کے اہداف کی نشاندہی میں معلومات فراہم کر رہا ہے اور روسی صدر ولادیمیر پوٹن ایران کی جنگ کو یوکرین پر اپنے حملے سے توجہ ہٹانے کے لیے استعمال کرنا چاہتے ہیں۔

فرانس میں جی سیون اجلاس کے موقع پر صحافیوں سے گفتگو کرتے ہوئے جرمن وزیر نے بتایا کہ انہوں نے امریکہ کے وزیر خارجہ مارکو روبیو سے بات کی ہے اور جرمنی کا مؤقف واضح کیا ہے کہ وہ جنگ کے خاتمے کے بعد آبنائے ہرمز میں کردار ادا کرنے کے لیے تیار ہے۔

انہوں نے کہا:’’پوٹن امید رکھتے ہیں کہ مشرقِ وسطیٰ میں کشیدگی میں اضافہ ہماری توجہ یوکرین میں ان کے جرائم سے ہٹا دے گا۔ یہ حکمت عملی کامیاب نہیں ہونی چاہیے۔ ہم واضح طور پر دیکھ رہے ہیں کہ دونوں تنازعات کس قدر آپس میں جڑے ہوئے ہیں۔‘‘