ساہیوال میں سی ٹی ڈی کی کارروائی، کالعدم لشکر جھنگوی کا دہشت گرد گرفتار

لاہور (نمائندہ ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) پنجاب نے ضلع ساہیوال میں دیہڑاں والی پل لوئر باری دوآب اوکاڑہ کے قریب کارروائی کرتے ہوئے کالعدم تنظیم کے دہشت گرد کو گرفتار کر لیا۔

نمائندہ ڈیلی اردو کے مطابق سی ٹی ڈی ذرائع نے بتایا کہ دہشت گرد عوام میں نفرت انگیز مواد پر مشتمل کتابچے وغیرہ تقسیم کر رہا تھا۔ سی ٹی ڈی نے چھاپہ مار کر ملزم کو گرفتار کر کے 9 کتابچے، 2230 روپے، موبائل فون وغیرہ برآمد کر لیا۔

سی ٹی ڈی ذرائع نے زید بتایا کہ دہشت گرد محمد عثمان صدیقی ضلع چیچہ وطنی کا رہائشی ہے، گرفتار دہشت گرد کا تعلق کالعدم تنظیم لشکر جھنگوی سے ہے۔

مزید بتایا کہ دہشت گرد کو تفتیش کے لیے نامعلوم مقام پر منتقل کر دیا گیا۔