سنگاپور: داعش کی معاونت اور حملوں کی منصوبہ بندی کا الزام، 18 سالہ نوجوان گرفتار

سنگاپور سٹی (ویب ڈیسک) سنگاپور میں داعش کی معاونت اور حملوں کی منصوبہ بندی کے الزام میں 18 سالہ نوجوان کو گرفتار کرلیا گیا۔

Singapore detains teenage Isis supporter for plotting three attacks https://t.co/FHke9GzMRL

— South China Morning Post (@SCMPNews) February 1, 2023

غیر ملکی خبر ایجنسی کے مطابق سنگاپورین طالبعلم عرفان دانیال کو دسمبر میں زیر حراست لیا گیا تھا جس کا اعلان اب کیا گیا ہے۔

طالبعلم کو داخلی سلامتی قانون کے تحت گرفتار کیا گیا جس میں دو سال تک ٹرائل کے بغیر حراست میں رکھا جاسکتا ہے۔

سیکیورٹی حکام کا کہنا ہے کہ طالبعلم داعش کے آن لائن پراپیگنڈا سے متاثر ہوا اور وہ ملک میں حملوں کیلئے سوشل میڈیا استعمال کرکے جنگجو اکٹھے کرنا چاہتا تھا۔

حکام کا کہنا ہے کہ طالبعلم نے فوجی کیمپ پر حملے کیلئے خودکش بمبار تیار کرنے کی منصوبہ بندی کی تھی۔

یاد رہے کہ 2020 میں حکام نے ایک 16 سالہ نوجوان کو دو مساجد پر حملوں کی منصوبہ بندی کے الزام میں گرفتار کیا تھا۔