سوڈان کے علاقے ابائے میں پاکستان امن دستے پر فائرنگ، ایک فوجی ہلاک، دو افسران سمیت 4 زخمی

راولپنڈی (ڈیلی اردو) سوڈان اور جنوبی سوڈان کے درمیان متنازع علاقے ابائے میں پاکستانی امن دستے پر حملے میں پاک فوج کا سپاہی ہلاک جبکہ دو افسران سمیت 4 افراد زخمی ہوگئے۔

Pakistani peacekeeper, Muhammad Tariq, who was serving U.N. Interim Security Force for Abyei, was martyred in line of duty, as convoy of the Pakistani peacekeepers came under attack by the militants.

The Pakistan Mission expresses its heartfelt condolences to bereaved family. pic.twitter.com/O5f1566211

— Permanent Mission of Pakistan to the UN (@PakistanUN_NY) January 29, 2024

پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق سوڈان اور جنوبی سوڈان کے متنازع علاقے ابائے میں تعینات پاکستان کا امن دستہ مقامی آبادی کے دو مریضوں کو ہسپتال لے جارہا تھا کہ ان پر فائرنگ کردی گئی۔

فائرنگ کے تبادلے میں پاک فوج کے سپاہی محمد طارق ہلاک ہوگئے جن کا تعلق سندھ کے ضلع بدین سے تھا۔

بیان میں کہا گیا کہ پاکستان کا امن مشن دستہ دنیا بھر کے مختلف حصوں میں پیشہ وارانہ لگن کے ساتھ خدمات انجام دیتا رہا ہے۔ اب تک دنیا بھر میں امن کی خاطر 181 فوجی ہلاک ہو چکے ہیں۔

آئی ایس پی آر کے مطابق پاکستان، بین الاقوامی برادری کے ذمہ دار رکن کی حیثیت سے اپنا کردار ادا کرہا ہے اور اقوام متحدہ کے تحت عالمی امن اور استحکام کے لیے اپنے فرائض نبھا رہا ہے۔