شمالی وزیرستان میں سیکورٹی فورسز کا آپریشن، 2 افسروں سمیت 4 اہلکار زخمی، 2 دہشت گرد ہلاک

راولپنڈی + میرانشاہ (کاشف محمود/نمائندہ ڈیلی اردو) صوبہ خیبر پختونخوا کے قبائلی ضلع شمالی وزیرستان میں سیکورٹی فورسز کے آپریشن میں کالعدم تنظیم کے 2 دہشتگرد ہلاک ہوگئے۔

پاکستانی فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے شمالی وزیرستان کے علاقے میرعلی میں انٹیلیجنس کی بنیاد پر آپریشن کیا۔ اس دوران فائرنگ کا تبادلے میں حافظ گل بہادر گروپ کے کمانڈر خبیب عرف بلال سمیت 2 دہشت گرد مارے گئے۔

آئی ایس پی آر کے مطابق خبیب رواں ماہ میر علی میں سیکیورٹی فورسز کے قافلے پر خودکش حملے میں بھی ملوث تھا۔ مارے جانے والے دہشت گردوں سے اسلحہ اور گولیاں بھی برآمد ہوئیں۔

مارے گئے دہشت گرد سیکیورٹی فورسز کے خلاف دہشت گردی کی کارروائیوں میں ملوث تھے۔

مارے جانے والے دہشت گرد آئی ڈی ایز بنانے اور شہریوں کے قتل میں بھی ملوث تھے۔

شمالی وزیرستان سے نمائندہ ڈیلی اردو کے مطابق ’دہشت گردوں کی فائرنگ سے پاک فوج کے دو افسروں سمیت چار جوان زخمی ہوئے جبکہ جنہیں طبی امداد کے لیے آرمی ہسپتال میران شاہ منتقل کردیا گیا۔‘

شمالی وزیرستان کی تحصیل میرعلی میں سیکیورٹی فورسز نے انٹیلی جنس بیس آپریشن کیا ہے جس کے دوران 2 دہشت گرد ہلاک ہوئے ہیں، جبکہ دہشت گردوں کی فائرنگ کے نتیجے میں دو افسر سمیت 4 اہلکار زخمی ہو گئے #NorthWaziristan #Pakistan @Natsecjeff

— Shabbir Hussain Turi (@ShabbirTuri) August 19, 2022

سیکیورٹی فورسز نے علاقے کو گھیرے میں لے کر سرچ آپریشن شروع کردیا گیا ہے۔