شمالی وزیرستان میں فوجی قافلے پر خودکش حملہ، 4 اہلکار ہلاک، 8 زخمی

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں ایک فوجی قافلے پر خودکش حملے میں تین فوجی ہلاک ہوگئے۔

تفصیلات کے مطابق شمالی وزیرستان میں ایک خودکش حملہ آور نے سیکیورٹی فورسز کے قافلے پر حملہ کیا جس کے نتیجے میں چار فوجی ہلاک اور آٹھ زخمی ہو گئے۔

شمالی وزیرستان کی تحصیل میرعلی کے علاقے پتسی اڈہ کے قریب پاکستان آرمی کے قافلے پر خودکش حملہ، ابتدائی اطلاعات کے مطابق خودکش حملے میں 3 فوجی ہلاک اور چار زخمی ہوگئے ہیں۔#Mirali #NorthWaziristan #Pakistan@Natsecjeff

— Shabbir Hussain Turi (@ShabbirTuri) August 8, 2022

پولیس حکام نے ڈیلی اردو کو بتایا کہ قافلہ میرعلی سے ضلعی ہیڈکوارٹرز میران شاہ جا رہا تھا کہ ایک آٹو رکشہ پر سوار خودکش بمبار نے گاڑی کے قریب خود کو دھماکے سے اڑا لیا۔

یہ حملہ پتسی اڈہ کے قریب کیا گیا۔

حملے کے بعد ہلاک اور زخمی اہلکاروں کو میرعلی ہسپتال منتقل کر دیا گیا جہاں ان کا علاج معالجہ کیا جارہا ہے۔

سیکیورٹی اہلکاروں نے علاقہ کا محاصرہ کرکے دہشت گردوں کی تلاش شروع کردی ہے۔