شمالی وزیرستان میں 6 سالہ بچی کی ذبح شدہ لاش برآمد

میرانشاہ (ڈیلی اردو/ٹی این این) صوبہ خیبر پختونخوا کے قبائلی ضلع شمالی وزیرستان کی تحصیل میر علی میں 6 سالہ بچی کی ذبح شدہ لاش ملی ہے۔

مقامی ذرائع کے مطابق شمالی وزیرستان میں یہ اپنی نوعیت کا پہلا واقعہ ہے جس میں ایک بچی کو بے دردی کے ساتھ قتل کیا گیا ہے۔ مقامی ذرائع کے مطابق گاٶں ذکر خیل سے 9 دن پہلے 6 سالہ سمیرا گھر سے لاپتہ ہوئی تھی جس کی آج مسخ شدہ لاش مل گئی۔

مقامی ذرائع کا کہنا ہے کہ اج ایک ہفتہ بعد سمیرا کی مسخ شدہ لاش ذکرخیل میں مدرسہ نظارۃ المعارف اسلامی کے قریب سے مل گئی۔ اہل خانہ کے مطابق سمیرا کو انتہائی بے دردی سے خنجر کے وار سے ذبح کیا گیا ہے۔

لاش کے قریب سے ایک خنجر اور سمیرا کے کپڑے ملے ہے۔ گھر والوں کا کہنا ہے کہ ہم نے پہلے دن سے پولیس کو اطلاع دی تھی لکن پولیس والوں نے کوئی تعاون نہیں کیا۔

ذرائع کا کہنا ہے بچی کے اہل خانہ کی کسی کے ساتھ کوئی دشمنی نہیں ہے اور زیادتی کے حوالے سے بھی کچھ کہنا قبل از وقت ہوگا۔