شنگھائی تعاون تنظیم کے دفاعی اور سیکورٹی ماہرین کے ورکنگ گروپ کا 9واں اجلاس اختتام پذیر

اسلام آباد (ڈیلی اردو) شنگھائی تعاون تنظیم کے دفاع اور سیکورٹی ماہرین کے ورکنگ گروپ کا دو روزہ نواں اجلاس جمعرات کے روز اسلام آباد میں ختم ہوگیا۔

فوج کے شعبہ تعلقات عامہ (آئی ایس پی آر) کے مطابق اجلاس کی میزبانی پاکستان نے کی جو شنگھائی تعاون تنظیم کے دفاع اور سیکورٹی تعاون منصوبے 2020 کا حصہ ہے۔ یہ اپنی نوعیت کا پہلا اجلاس ہے جس کے لئے سات مستقل ارکان اور ایک مبصر ملک سمیت آٹھ ممالک کے وفود نے پاکستان کا دورہ کیا۔

The 9th Defence & Security Expert Working Group (EWG) meeting of Shanghai Cooperation Organization (SCO) was held at Islamabad from 19 – 20 February 2020.#APPNews @OfficialDGISPR @ForeignOfficePk pic.twitter.com/G6aeW8KOMy

— APP ???????? (@appcsocialmedia) February 20, 2020

فورم نے شنگھائی تعاون تنظیم کے رکن ممالک کے درمیان تعاون اور علاقائی سلامتی کے مختلف پہلوئوں پر غور کیا۔ شرکاء نے مشترکہ تربیتی اور فوجی مشقوں سمیت باہمی دلچسپی کے اہم امور پر معلومات اور آراء کا بھی تبادلہ کیا۔

چین، روس، قزاخستان، کرغزستان، تاجکستان، ازبکستان اور بھارت نے مستقل رکن ممالک کی حیثیت سے جبکہ بیلا روس نے مبصر ملک کی حیثیت سے اجلاس میں شرکت کی۔