غزہ: اسلامی جہاد کا ‘سنچری ڈیل’ کے خلاف قابض دشمن پر خودکش حملوں کا اعلان

غزہ (ڈیلی اردو) فلسطینی تنظیم اسلامی جہاد نے کہا ہے کہ اب وقت آگیا ہے کہ فلسطینی قوم اپنے حقوق کے حصول اور امریکی، صہیونی ریاست کے گٹھ جوڑ سے تیار کردہ سنچری ڈیل منصوبے کو ناکام بنانے کے لیے بیت المقدس اور غرب اردن میں قابض فوج پر فدائی حملے کرے۔ اسلامی جہاد کا کہنا ہے کہ امریکا کے نام نہاد امن منصوبے کو غرب اردن اور القدس میں فدائی حملوں کے ذریعے زمین میں دفن کردیں گے۔

مرکز اطلاعات فلسطین کےمطابق اسلامی جہاد کے رہ نما جمیل علیان نے کہا ہے کہ گذشتہ روز غرب اردن کے شمالی شہر جنین میں فلسطینی شہریوں کا تعاقب کرکے دو فلسطینیوں کو شہید کرنا سنگین جرم ہے۔

فلسطینیوں‌ کے خلاف صہیونی ریاستی دہشت گردی میں اضافہ دراصل صدی کی ڈیل کو فلسطینی قوم پر طاقت کے ذریعے مسلط کرنے کی مذموم کوشش ہے مگر فلسطینی قوم اور اسلامی جہاد فدائی (خودکش) حملوں سے فلسطین کی سرزمین میں دفن کر کے رہیں گے۔

انہوں نے مزید کہا کہ پوری مسلم امہ کو فلسطینی قوم اور اس کی تحریک آزادی پر بھرپور اعتماد ہے۔ ہر فلسطینی قضیہ فلسطین کو اولین ترجیح دیتا ہے۔

علینا کا مزید کہنا تھا کہ اس وقت خطے اور پوری دنیا میں امریکا اسرائیل کے خلاف نفرت بڑھ رہی ہے۔ ان کا کہنا تھا کہ کسی عرب ملک نے امریکا اور اسرائیل کے سازشی منصوبے کو آگے بڑھانے میں مدد کی یقین دہانی نہیں کرائی ہے۔