فضائی میزبانوں کی تربیت کیلئے پاکستان میں اپنی نوعیت کی پہلی ایوی ایشن کریو فرنچائز کا افتتاح

اسلام آباد (انعم پرویز) فضائی میزبانوں کی دلچسپی اور ابتدائی تربیت کے لیے پاکستان میں اپنی نوعیت کی پہلی ایوی ایشن کریو فرنچائز کھل گئی۔ پی آئی اے کے چیف ایگزیکٹو آفیسر و ائیر مارشل ارشد محمود ملک نے بحریہ ٹاون میں ایوی ایشن کریو فرنچائز کا افتتاح کر دیا۔ ایوی ایشن کریوشاپ میں دنیا بھر کے جہاز کی کولیکشن اور ائیر لائنز کے ائٹمز رکھے گئے ہیں۔

فرنچائز ڈائریکٹر کیپٹن جمشید اختر نے اس موقع پر بتایا کہ اس فرنچائز سے فضائی عملہ کو ابتدائی تربیت اور فضائی میزبانی میں مدد ملے گی۔ کیونکہ دنیا بھر کے جدید جہازوں کے ماڈلز اور آئیٹمز موجود ہیں جس کے استعمال کا طریقہ کار اور اس کو سمجھنے میں ان کا عملہ مدد فراہم کرے گا۔ انہوں نے کہا کہ یہ پاکستان میں اپنی نوعیت کی پہلی ایوی ایشن کریو فرنچائز ہے جس کا نام ایوئیٹر حب ہے۔

انہوں نے کہا کہ اس سے قبل امریکا، کیننڈا، یورپ میں اس قسم کی فرنچائز موجود تھیں پاکستان میں پہلی بار اس خیال کو متعارف کرایا جارہا ہے تا کہ فضائی عملہ کو جدید طیاروں کے ماڈلز کی مدد سے فضائی میزبانی سمجھنے میں مدد مل سکے۔ کیونکہ اس میں فضائی میزبانوں کی دلچسپی کی چیزیں رکھی گئی ہیں۔ انہوں نے کہا کہ ایوییٹر حب کا مقصد فضائی میزبانوں کی تربیت اور ایوی ایشن انڈسٹری کو فروغ دینا ہے۔

ائیر مارشل ارشد محمود خان نے اس خیال کوسراہا، اس موقع پر انہوں نے فضائی ماڈلز کا جائزہ بھی لیا اور عملے کے لیے نیک خواہشات کا اظہار کیا۔ ایویٹر حب کے افتتاح کے موقع پر ائیر کموڈور (ر) ندیم شیروانی، ڈسٹرکٹ منیجر نارتھ پی آئی اے علی شیر، پروجیکٹ ڈائریکٹر میاں وحید، ماہ نور وحید و دیگر بھی موجود تھے۔