لبنان میں اسرائیلی حملوں سے ہلاکتیں 3 ہزار سے تجاوز کر گئیں

بیروت (ڈیلی اردو) لبنان کی وزارتِ صحت کے مطابق مارچ کے آغاز سے حزب اللہ کے ساتھ جاری لڑائی کے دوران اسرائیلی حملوں میں ہلاک ہونے والوں کی تعداد 3 ہزار سے تجاوز کر گئی ہے۔

وزارت نے پیر کے روز ہلاکتوں کی مجموعی تعداد 3,020 بتائی، جبکہ جنگ بندی کے باوجود ہلاکتوں میں مسلسل اضافے پر تشویش کا اظہار کیا گیا ہے۔

لبنانی حکام کے مطابق 17 اپریل کو جنگ بندی نافذ ہونے کے بعد بھی 400 سے زائد افراد ہلاک ہو چکے ہیں، جبکہ دونوں جانب سے خلاف ورزیوں کا سلسلہ جاری ہے۔

امریکی ثالثی میں ہونے والے معاہدے کے تحت اسرائیل کو حزب اللہ کی عسکری سرگرمیوں کے خلاف کارروائی کی اجازت دی گئی تھی۔

جمعے کو جنگ بندی میں 45 روز کی توسیع کے اعلان کے باوجود جنوبی لبنان اور وادی بیکا میں اسرائیلی حملے جاری ہیں، جن میں مزید ہلاکتیں رپورٹ ہوئی ہیں۔