لبنان کے اسلحہ ڈپو پر اسرائیل کا فضائی حملہ، حزب اللہ کے 7 جنگجو ہلاک

تل ابیب (ڈیلی اردو/رائٹرز) اسرائیل نے لبنان کے جنوبی علاقے کے قریب واقع حزب اللہ کے ایک ڈپو پر فضائی حملہ کیا ہے۔ جس کے نتیجے میں 7 افراد ہلاک ہوگئے۔

عالمی خبر رساں ادارے رائٹرز کے مطابق لبنان کے علاقے نبطیہ میں اسرائیل نے ایک امدادی مرکز اور حزب اللہ کے ایک ٹھکانے پر بمباری کی جس میں مجموعی طور پر 7 جنگجو ہلاک ہوگئے۔

Lebanon's Hezbollah said it launched dozens of rockets at an Israeli town over the border in response to deadly Israeli strikes on a village in southern Lebanon a day earlier https://t.co/6NsB1Xbu63

— Reuters (@Reuters) March 27, 2024

حزب اللہ کے ٹیلی گرام اکاؤنٹ پر پوسٹ میں کیا گیا ہے کہ اسرائیل نے دو قصبوں کو فضائی حملوں کا نشانہ بنایا جس میں ہمارے 3 جانباز ہلاک ہوگئے جب کہ 2 زخمی ہیں۔

دوسری جانب اسرائیل نے ان حملوں کی تصدیق کرتے ہوئے کہا کہ فضائی حملوں میں عسکریت پسندوں کے ٹھکانوں اور اسلحے کے ڈپو کو نشانہ بنایا ہے جس میں شدت پسند تنظیم حزب اللہ کو بھاری نقصان پہنچایا گیا ہے۔

یاد رہے کہ 2006 کی لبنان جنگ کے بعد حزب اللہ اور اسرائیلی فوج کے درمیان ہونے والی تازہ جھڑپیں بدترین سرحد پار مداخلت ہے۔ جس کا آغاز اسرائیل نے 7 اکتوبر کے بعد سے کیا ہے۔

اسرائیل حماس کے 7 اکتوبر کی حملے کا معاون و مددگار لبنان کی ایرانی حمایت یافتہ مزاحمتی تنظیم حزب اللہ کو سمجھتا ہے اور چار ماہ سے حزب اللہ اور حماس کو لبنان میں مسلسل نشانہ بنا رہا ہے۔