لودھراں سے آرمی کا جعلی کرنل اویس گرفتار، مقدمہ درج

لودھراں (ڈیلی اردو) آرمی کا جعلی کرنل بن کر ریجنل پولیس آفیسر ملتان کو کال کرنے والا شخص کو گرفتار کرلیا گیا ہے۔

تفصیلات کے مطابق پنجاب کے ضلع لودھراں میں آرمی کا جعلی کرنل بن کر ریجنل پولیس آفیسر آر پی او ملتان کو کال کرنے والا شخص کو پولیس نے گرفتار کرلیا۔

پولیس ذرائع کا کہنا ہے کہ جلہ ارائیں کے طاہر جٹ جعلی کرنل نے آر پی او ملتان وسیم احمد خان کو موبائل سے فون کیا کہ مقامی پولیس سے متعلقہ معاملے میں فوری مداخلت کریں۔

ایس ایچ او فیضان قیوم کا کہنا تھا کہ آر پی او کے بعد ملزم نے جلہ پولیس کو بھی کال کی کہ ثریا مسرت کی درخواست پر فوری کارروائی کرے۔

ایس ایچ او کے مطابق جعلی کرنل نے بات نہ ماننے پر آرمی کے اعلیٰ افسران تک بات پہنچانے کی دھمکی بھی دی۔ آر پی او ملتان نے جعلی کرنل کی باتوں پر شک ہونے پر کال سے ٹریس کروایا۔

بعد ازاں جلہ پولیس نے موبائل سم لوکیشن ٹریس کر کے جعلی کرنل اویس کو گرفتار کرلیا