لکی مروت اور باجوڑ میں دہشت گردوں کے حملوں میں دو اہلکار ہلاک، 2 زخمی

پشاور (بیورو رپورٹ) صوبہ خیبر پختونخوا کے ضلع لکی مروت میں دہشت گردوں کی فائرنگ سے ایک پولیس اہلکار ہلاک ہو گیا ہے۔

تفصیلات کے مطابق پولیس اہلکاروں پر دہشت گردوں نے فائرنگ کی جس سے پولیس اہلکار محمد طاہر ہلاک ہو گیا تاہم دیگر اہلکار محفوظ رہے۔

ذرائع نے بتایا ہے کہ واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کر دیا۔

ادھر قبائلی ضلع باجوڑ کے علاقے عنایت قلعہ میں مسجد سے باہر نکلتے وقت دہشت گردوں کی فائرنگ سے ایک فوجی ہلاک اور دو سویلین زخمی ہوگئے۔

پولیس کے مطابق لاش اور زخمیوں کو ہسپتال منتقل کیا گیا تاہم ان میں سے مزید ایک کی حالت نازک ہے۔

نمائندہ ڈیلی اردو کے مطابق ہلاک ہونے والے فوجی کی شناخت ذاکر اللہ کے نام سے ہوئی ہے جبکہ زخمیوں میں محمد آیاز اور سلام شامل ہے۔