لکی مروت: دو مختلف مقامات سے تین افراد کی گولیوں سے چھلنی لاشیں برآمد

لکی مروت (ڈیلی اردو رپورٹ) پاکستان کے شورش زدہ صوبہ خیبر پختونخوا کے ضلع لکی مروت میں دو مختلف مقامات سے تین افراد کی گولیوں سے چھلنی لاشیں برآمد ہوئی ہیں، جس کے بعد علاقے میں خوف و ہراس پھیل گیا۔

پولیس کے مطابق عصمت آباد کے قریب دو جبکہ خیسور کلی نہر کے نزدیک ایک شخص کی لاش ملی۔ ابتدائی تحقیقات کے مطابق تینوں افراد کو گولیاں مار کر ہلاک کیا گیا۔

پولیس کا کہنا ہے کہ تینوں مقتولین کے ہاتھ پاؤں بندھے ہوئے تھے، جس سے واقعے کے مختلف پہلوؤں پر تحقیقات کی جا رہی ہیں۔

واقعے کی اطلاع ملنے پر پولیس نے لاشوں کو اپنی تحویل میں لے کر قانونی کارروائی اور پوسٹ مارٹم کے لیے ہسپتال منتقل کر دیا۔

حکام کے مطابق واقعے کی تحقیقات جاری ہیں اور مقتولین کی شناخت سمیت قتل کے محرکات کا تعین کرنے کی کوشش کی جا رہی ہے۔