لکی مروت: دہشت گردوں کی فائرنگ سے ایف سی اہلکار ہلاک، حملہ آور فرار

لکی مروت (نمائندہ ڈیلی اردو) صوبہ خیبرپختونخوا کے ضلع لکی مروت میں تھانہ غزنی خیل کی حدود میں دہشت گردوں کی فائرنگ سے فرنٹیئر کانسٹیبلری (ایف سی) کا ایک اہلکار ہلاک ہو گیا۔ واقعہ اچانک پیش آیا، جس کے بعد حملہ آور موقع سے فرار ہو گئے۔

پولیس کے مطابق فائرنگ کے نتیجے میں عطاء اللہ نامی ایف سی اہلکار موقع پر ہلاک ہو گیا، جس کی لاش کو پوسٹ مارٹم کے لیے قریبی اسپتال منتقل کر دیا گیا ہے۔

واقعے کے بعد پولیس نے علاقے کو گھیرے میں لے کر سرچ آپریشن شروع کر دیا ہے۔ حکام کا کہنا ہے کہ حملہ آوروں کی تلاش جاری ہے اور انہیں جلد قانون کی گرفت میں لایا جائے گا۔

خیال رہے کہ خیبرپختونخوا کے بعض علاقوں میں حالیہ عرصے کے دوران سیکیورٹی فورسز کو دہشت گرد حملوں کا سامنا رہا ہے، جس کے پیشِ نظر متعلقہ اضلاع میں حفاظتی اقدامات مزید سخت کیے جا رہے ہیں۔