لکی مروت: سرائے نورنگ کے قریب فائرنگ، سب انسپکٹر کا بیٹا ہلاک، بھائی شدید زخمی

لکی مروت (نمائندہ ڈیلی اردو)پاکستان کے شورش زدہ صوبے خیبر پختونخوا کے ضلع لکی مروت میں فائرنگ کے ایک واقعے میں ایک شخص ہلاک جبکہ دوسرا شدید زخمی ہو گیا۔

پولیس کے مطابق سرائے نورنگ کے قریب نامعلوم عسکریت پسندوں نے ایک کار پر فائرنگ کی، جس کے نتیجے میں سب انسپکٹر امتیاز کا بیٹا شہاب خان موقع پر ہی ہلاک ہو گیا، جبکہ ان کا بھائی رحمت اللہ شدید زخمی ہو گیا۔

پولیس ذرائع کا کہنا ہے کہ زخمی رحمت اللہ، جو سرائے نورنگ میں پٹواری کے فرائض انجام دے رہا تھا، کو ابتدائی طبی امداد کے بعد تشویشناک حالت میں بنوں کے ڈی ایچ کیو ہسپتال منتقل کر دیا گیا۔

واقعے کے بعد علاقے میں خوف و ہراس پھیل گیا، جبکہ پولیس نے جائے وقوعہ کو گھیرے میں لے کر تحقیقات شروع کر دی ہیں۔