مالی میں اقوام متحدہ کے امن مشن پر حملہ، خاتون سمیت 2 اہلکار ہلاک، 4 زخمی

بماکو (ڈیلی اردو/اے پی پی) مالی میں مسلح افراد کی فائرنگ سے ایک خاتون سمیت اقوام متحدہ کے امن مشن کے 2 اہلکار ہلاک جبکہ 4 زخمی ہو گئے ہیں جن میں سے ایک کی حالت تشویشناک بتائی جاتی ہے۔

UN chief @antonioguterres strongly condemned an attack against a @UN_MINUSMA police patrol in northern Mali that killed two Nigerian peacekeepers and injured four others.https://t.co/PIEBhwsP0R

— UN News (@UN_News_Centre) December 17, 2022

چینی ذرائع ابلاغ کے مطابق مالی میں اقوام متحدہ کے کثیرالجہتی مربوط استحکام مشن نے جاری بیان میں بتایا کہ اقوام متحدہ کے امن مشن کے اہلکاروں پر دوران گشت ٹمبکٹو قصبے میں نامعلوم مسلح افراد نے فائرنگ کر دی جس سے ایک خاتون سمیت 2 اہلکار ہلاک اور 4 زخمی ہو گئے ہیں۔

مشن کے سربراہ الغاسم وانے نے واقعہ کی مذمت کرتے ہوئے کہا کہ وہ اس گھنانے فعل سے شدید صدمے میں ہیں۔انہوں نے کہا کہ مشکل آپریشنل ماحول کے باوجوداقوام متحدہ کا مشن اپنے مینڈیٹ کو انجام دینے میں کوئی کسر نہیں چھوڑے گا۔ انہوں نے کہا کہ اپنی قرارداد 2640 (2022) کے ذریعے قوام متحدہ کی سلامتی کونسل نے ایم آئی این یو ایس ایم اے کے مینڈیٹ کو 30 جون 2023 تک بڑھا دیا۔