مردان: کاٹلنگ میں سی ٹی ڈی کا آپریشن، 2 دہشت گرد ہلاک

مردان(ڈیلی اردو) خیبرپختونخواہ کے شورش زدہ ضلع مردان میں کاٹلنگ کے پہاڑی علاقے بابوزی میں سی ٹی ڈی مردان ریجن نے دہشت گردوں کی موجودگی کی اطلاع پر انٹیلیجنس بیسڈ آپریشن کیا۔

سی ٹی ڈی کے مطابق کارروائی کے دوران دہشت گردوں نے اہلکاروں پر فائرنگ کی، جس کا مؤثر جواب دیا گیا۔ فائرنگ کے تبادلے کے بعد سرچ آپریشن میں 2 دہشت گرد ہلاک ملے، جبکہ بعض دہشت گرد رات کی تاریکی کا فائدہ اٹھا کر فرار ہوگئے۔

کارروائی کے دوران ہلاک دہشت گردوں کے قبضے سے 2 ایس ایم جیز، ایک ہینڈ گرینیڈ، 6 میگزین اور متعدد کارتوس برآمد ہوئے۔ ہلاک دہشت گردوں کی شناخت جاری ہے، جبکہ فرار افراد اور ان کے سہولت کاروں کی گرفتاری کے لیے سرچ آپریشن بھی جاری ہے۔