مقبوضہ کشمیر: بھارتی پیرا ملٹری فورس کے اسسٹنٹ کمانڈنٹ ایم آروند نے خودکشی کرلی

سری نگر (ڈیلی اردو/نیوز ایجنسی) مقبوضہ کشمیر کے ضلع اننت ناگ میں بھارتی فوجی آفیسر نے خود کشی کرلی۔

بھارتی میڈیا کے مطابق سی آر پی ایف کے اسسٹنٹ کمانڈنٹ ایم آروند نے سرکاری رائفل سے خود کو گولی مار لی۔

Central Reserve Police Force(CRPF):Assistant Commandant M Arvind committed suicide by shooting himself with his personal weapon yesterday(Anantnag,J&K).Initial inquiry leads to some marital problems. No foul play. 1/2 pic.twitter.com/uAbtQTtNJJ

— ANI (@ANI) August 24, 2019

دنیا بھر کے ماہرین نفسیات ماضی میں کئی مرتبہ اس بات کا اظہار کر چکے ہیں کہ دوران ملازمت جس طرح سے نہتے و بے گناہ مظلوم کشمیریوں کو بہیمانہ تشدد کا ذریعہ بنانے کے لیے بھارت کی قابض افواج کے اہلکاروں کو استعمال کیا جاتا ہے اور جس طرح دوران حراست بزرگوں و جوانوں سمیت بچوں کو قتل کیا جاتا ہے اس کے براہ راست اثرات فوجی اہلکاروں کے اذہان پر مرتب ہورہے ہیں جس کی وجہ سے وہ سخت ذہنی دباؤ کا شکار ہو کر اپنی زندگیوں کا خاتمہ کر لیتے ہیں۔

رواں سال جون میں مقبوضہ وادی چنار میں قابض بھارتی افواج سے تعلق رکھنے والے تین فوجیوں نے خودکشی کرلی تھی۔

دو فوجیوں نے خودکشی ڈیوٹی کے دوران کی جب کہ ایک نے بیوی کو گولی مارنے کے بعد خود کشی کا راستہ اپنایا۔

بھارت کے مقبوضہ وادی کشمیر میں تعینات رہنے والے 400 سے زائد فوجیوں نے گزشتہ 12 سال کے دوران خود کشیاں کی ہیں۔

ذرائع ابلاغ کے مطابق بھارت کے فوجی اہلکاروں میں دوران ڈیوٹی خود کشی کا رحجان 2007 سے پروان چڑھ رہا ہے۔