مقبوضہ کشمیر: سیاچن میں برف کا تودہ گرنے سے 2 بھارتی فوجی ہلاک

سری نگر (ڈیلی اردو) سیاچن میں برفانی تودہ گرنے سے 2 بھارتی فوجی ہلاک ہو گئے۔ دو ہفتوں کے دوران 8 بھارتی فوجی ہلاک ہوگئے۔

تفصیلات کے مطابق سری نگر میں مقیم بھارت کے دفاعی ترجمان نے بتایا کہ جنوبی سیاچن میں دونوں فوجی اہلکار  تقریبا 18،000 فٹ کی بلندی پر گشت کر رہے تھے کہ برفانی تودے کی زد میں آکر ہلاک ہوگئے۔

ان کا مزید کہنا تھا کہ حادثے کی اطلاع ملنے کے فوراً بعد ہی ریسکیو ٹیم (اے آر ٹی) جائے وقوع پر پہنچ گئی تھی جس نے اہلکاروں کی تلاش کا عمل شروع کیا۔

Two Army personnel were killed when an avalanche hit an army patrol in the southern Siachen glacier sector in the Union Territory of Ladakh

Avalanche Rescue Team (ART) & helicopter pressed into action.#RIP pic.twitter.com/bUTAkgvHIC

— Lt Col N Thiagarajan Veteran (@NTR_NationFirst) November 30, 2019

دفاعی ترجمان نے بتایا طبی ٹیموں کی بہترین کوششوں کے باوجود  بھی برفانی تودے کی زد میں آنے کی وجہ سے  2 بھارتی فوجی اہلکار دم توڑ گئے۔

واضح رہے کہ 2 ہفتےقبل بھی برفانی تودہ گرنے سے 4 بھارتی فوجی اور 2 شہری ہلاک ہوئے تھے۔