مقبوضہ کشمیر میں نسل کشی سے توجہ ہٹانے کیلئے بھارت جھوٹا آپریشن کرسکتا ہے: وزیراعظم عمران خان

اسلام آباد (مانیٹرنگ ڈیسک) وزیر اعظم عمران خان کا کہنا ہے کہ بھارت مقبوضہ وادی و دیگر بھارتی علاقوں میں نسل کشی اور انسانی حقوق کی سنگین خلاف ورزیوں سے توجہ ہٹانے کے لیے جھوٹا آپریشن کر سکتا ہے۔

تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ بھارتی میڈیا جھوٹا دعویٰ کر رہا ہے کہ افغانستان سے دہشت گرد مقبوضہ وادی میں داخل ہوگئے ہیں، ان کا دعویٰ ہے کہ جنوبی بھارت میں بھی کچھ دہشت گرد داخل ہوئے ہیں۔

We are hearing Indian media claims that some terrorists from Afghanistan have entered IOJK for terrorist activities, while others have entered India's southern regions. These claims are predictable to divert attention from India's ethnic cleansing & genocide agenda in IOJK.

— Imran Khan (@ImranKhanPTI) August 23, 2019

وزیر اعظم کا کہنا تھا کہ بھارت مقبوضہ وادی و دیگر بھارتی علاقوں میں نسل کشی سے دنیا کی توجہ ہٹانا چاہتا ہے۔

I want to warn the international community that the Indian leadership will in all probability attempt a false flag operation to divert attention from its massive human rights violations & the unleashing of a reign of terror in IOJK.

— Imran Khan (@ImranKhanPTI) August 23, 2019

اپنے ٹویٹ میں انہوں نے کہا کہ عالمی برادری کو خبردار کرتا ہوں بھارت مقبوضہ کشمیر میں نسانی حقوق کی سنگین خلاف ورزیوں سے توجہ ہٹانے کے لیے جھوٹا آپریشن کر سکتا ہے۔

دوسری جانب آرٹیکل 370 اے ختم کرنے کے بعد مقبوضہ کشمیر میں 19 ویں روز بھی کرفیو جاری ہے اور مواصلات کا نظام مکمل پر معطل ہے۔

قابض انتظامیہ نے وادی میں ٹیلی فون اور انٹرنیٹ سروس بند کررکھی ہے جبکہ ذرائع ابلاغ پر سخت پابندیاں عائد ہیں۔

کشمیر میڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

مقبوضہ کشمیر میں حریت قیادت کی جانب سے نماز جمعہ کے بعد احتجاج کی کال بھی دی گئی تھی، حریت رہنماؤں کی قیادت میں نماز جمعہ کے بعد سرینگر میں اقوام متحدہ کے دفتر کی جانب مارچ کیا گیا۔