مہمند: دہشت گردوں کی فائرنگ، ایک شہری ہلاک، پولیس اہلکاروں سمیت 3 زخمی

غلنئی (نمائندہ ڈیلی اردو) پاکستان کے شورش زدہ صوبے خیبرپختونخوا کے قبائلی ضلع مہمند میں نامعلوم مسلح دہشت گردوں کی فائرنگ سے ایک شہری ہلاک جبکہ دو پولیس اہلکاروں سمیت تین افراد زخمی ہو گئے۔

پولیس کے مطابق واقعہ تحصیل صافی کے علاقے ترنگزئی بابا جی میں پیش آیا جہاں نامعلوم دہشت گردوں نے فائرنگ کردی جس کے نتیجے میں زاہد نامی شہری ہلاک جبکہ دس پولیس اہلکاروں سمیت تین افراد زخمی ہو گئے۔

زخمی ہونے والے افراد تحسین اللہ اور سید اکبر (پولیس اہلکار) اور عرفان (شہری) کو علاج کیلئے ڈسٹرکٹ ہیڈکوارٹرز ہسپتال غلنئی منتقل کیا گیا جہاں ان کی حالت تشویشناک بتائی جارہی ہے۔

واقعے کے بعد ڈی پی او مہمند رضا محمد اور ایس پی انویسٹیگیشن نے ڈی ایچ کیو ہسپتال غلنئی کا دورہ کیا۔

پولیس نے علاقے میں گھیرے میں لے کر سرچ آپریشن شروع کردیا ہے۔