نائیجیریا میں جہادیوں کے حملوں میں 30 افراد ہلاک، 7 دیہات نذرِ آتش

ابوجا (ڈیلی اردو)نائجیریا میں جہادیوں کے حملوں میں کم از کم 30 افراد ہلاک اور 7 دیہات نذرِ آتش کر دیے گئے ہیں۔

پولیس نے جمعرات کو بتایا کہ شمال مغربی نائیجیریا میں جنگجوؤں نے سات دیہاتوں کو نذرِ آتش اور درجنوں افراد کو ہلاک کر دیا گیا ہے۔

پولیس ترجمان بشیر عثمان کے مطابق لکوراوا گروپ کے ارکان نے بدھ کو دوپہر تقریباً 1:15 بجے مامونو، کانزو اور دیگر پانچ دیہاتوں پر حملہ کیا۔

انہوں نے بتایا، ’’جب مامونو، اواساکا، ٹُنگن تسوہو، مکانگارا، کانزو، گورون نائڈل اور دان مائی آگو کے رہائشیوں نے حملہ آوروں کا مقابلہ کرنے کے لیے جمع ہو کر مزاحمت کی تو درجنوں افراد مارے گئے۔‘‘

اے ایف پی کی جانب سے دیکھی گئی ایک سکیورٹی رپورٹ میں کہا گیا ہے کہ جہادیوں نے ’’30 سے زائد دیہاتیوں‘‘ کو ہلاک کیا گیا ہے۔

بشیر عثمان نے مزید بتایا کہ حملہ آور ’’کچھ مویشی بھی ہانک کر لے گئے۔‘‘ پولیس، فوجی دستے اور مقامی ملیشیا کو فوری طور پر علاقے میں بھیج دیا گیا۔

یہ حملے اس کے چند دن بعد ہوئے جب ریاست میں یونیسکو کی فہرست میں شامل ارگنگو فشنگ فیسٹیول منعقد ہوا تھا، جو اُس اروَہ علاقے سے تقریباً 60 کلومیٹر کے فاصلے پر ہے جہاں یہ حملے ہوئے۔

لکوراوا گروپ کو ریاست کے شمالی حصے اور پڑوسی سوکوٹو ریاست میں کمیونٹیز پر ہونے والے متعدد حملوں کا ذمہ دار ٹھہرایا گیا ہے۔