وزیراعظم عمران خان کی بھارتی وزیراعظم مودی کی امریکہ آمد پر بھرپور احتجاج کی ہدایت

اسلام آباد (ڈیلی اردو) وزیراعظم عمران خان نے پاکستان تحریک انصاف کی تنظیم برائے بین الاقوامی شعبہ جات کو ہدایت کی ہے کہ مودی کی امریکہ آمد بھرپور احتجاج کی تیاری کی جائیں۔

پی ٹی آئی کے مرکزی میڈیا ڈیپارٹمنٹ کی جانب سے جاری اعلامیے میں کہا گیا ہے نریندر مودی کی امریکہ آمد پر شدید احتجاج کیا جائے گا۔

وزیر اعظم عمران خان نے پاکستان تحریک انصاف کی تنظیم برائے بین الاقوامی شعبہ جات کو بھرپور تیاریوں کی ہدایت کر دی

پاکستان تحریک انصاف کے سیکرٹری او آئی سی ڈاکٹر عبداللہ ریاڑ کی وزیر اعظم عمران خان سے ملاقات #BlackoutInKashmir pic.twitter.com/DUWcqYdDV6

— IK Today (@IKTodayPk) August 21, 2019

پاکستان تحریک انصاف کے سیکرٹری او آئی سی ڈاکٹر عبداللہ ریاڑ نے پارٹی چیئرمین عمران خان سے ملاقات کے بعد بتایا کہ اقوام متحدہ کی جنرل اسمبلی اجلاس میں شرکت کیلئے نیو یارک آنے والے بھارتی وزیراعظم کیخلاف شدید رد عمل دینے کا فیصلہ کیا گیا ہے۔

عمران خان نے ہدایت کی کہ تحریک انصاف نیویارک میں مقبوضہ کشمیر میں بھارتی بربریت کے خلاف کمیونٹی اور انسانی حقوق کی تنظیموں کو متحرک کرے۔ ان کا کہنا تھا کہ سفاک مودی تمام انسانی و بین الاقوامی قوانین و ضوابط روندتے ہوئے کشمریوں کو نشانہ ستم بنانے کی تیاریوں میں ہے۔

وزیراعظم نے ڈاکٹر عبداللہ ریاڑ سے ملاقات کے دوران کہا کہ سلامتی کونسل کی قراردادوں اور دو طرفہ معاہدوں کی موجودگی میں بھارت کے پاس کشمیر پر غاصبانہ قبضے کا کوئی جواز موجود نہیں۔ انہوں نے اس عزم کا اعادہ کیا کہ وہ بطور سفیر مقبوضہ کشمیر کے عوام کی آواز دنیا کے ہر فورم پر اٹھائیں گے۔

دوسری جانب وزیراعظم عمران خان سے گورنر سندھ عمران اسماعیل نے بھی ملاقات کی۔ ملاقات میں کراچی میں وفاق کے جاری ترقیاتی منصوبوں پر بھی بات چیت ہوئی، وزیراعظم ستمبر کے آخری ہفتے میں 4 منصوبوں کا باقاعدہ افتتاح کریں گے۔

وزیراعظم عمران خان کی جانب سے گورنر سندھ کو باقی منصوبوں پر ہونے والی پیش رفت پر رپورٹ پیش کرنےکی بھی ہدایت کی گئی۔ ملاقات کے دوران کلین کراچی مہم پربھی بات چیت کی گئی، جس کے تحت شہر بھر کے نالوں کی صفائی کا کام جاری ہے۔

وزیر اعظم نے گورنر سندھ کو کشمیری برادری سے ملنے اور ان کی حوصلہ افزائی کرتے ہوئے اس مسئلہ کو زیادہ سے زیادہ اجاگر کرنے کی ہدایات جاری کیں۔