وزیراعظم عمران خان کے سابق معاون خصوصی زلفی بخاری کا اسرائیل کا دورہ، موساد چیف سے ملاقات کا انکشاف

اسلام آباد (ڈیلی اردو) اسرائیلی اخبار نے دعویٰ کیا ہے کہ وزیراعظم عمران خان کے سابق معاون خصوصی برائے اوورسیز پاکستانیز ذلفی بخاری نے نومبر 2020 میں موساد چیف سے ملاقات کیلئے اسرائیل کا مختصر خفیہ دورہ کیا۔

اسرائیلی اخبار نے اسلام آباد ذرائع کے حوالے سے اپنی رپورٹ میں دعویٰ کیا ہے کہ وزیر اعظم عمران خان کے سابق معاون خصوصی ذلفی بخاری نے نومبر 2020 کے آخری ہفتے میں اسرائیل کا ایک مختصر خفیہ دورہ کیا جس میں انہوں نے موساد چیف سے ملاقات کی اور ایک اہم شخصیت کی طرف سے پیغام بھی پہنچایا، دورے کا مقصد سینیئر اسرائیلی عہدیداروں سے ملاقات کرنا تھا۔

Adelson's paper Israel Hayom is reporting that the Israeli military censor has just allowed to publish that Pakistan PM @ImranKhanPTI 's advisor Zulfi Bukhari traveled to Israel last Nov to meet Mossad chief Cohen – this according to a source in Islamabadhttps://t.co/vNwf9x8MEy

— avi scharf (@avischarf) June 28, 2021

رپورٹ میں دعویٰ کیا گیا ہے کہ پاکستانی عہدیدار جو برطانیہ کے شہری ہیں، انہوں نے اپنے برطانوی پاسپورٹ کا فائدہ اٹھاتے ہوئے اسلام آباد سے لندن سفر کیا اور اس کے بعد اسرائیل کے بن گوریان ائیرپورٹ پہنچے جہاں انہوں نے اسرائیلی دفتر خارجہ کے سینیئر حکام سے ملاقات کی۔

Israeli ???????? bizjet flew from TLV to Islamabad, #Pakistan ????????, on the ground 10 hours, and back to TLV.
Cleared flight-plan with usual 5min groundtime trick in Amman
M-ULTI glex pic.twitter.com/haHn1NU73L

— avi scharf (@avischarf) October 25, 2018

رپورٹ میں دعویٰ کیا گیا ہے کہ ذلفی بخاری نے وزیراعظم عمران خان کا پیغام پہنچایا جبکہ سابق موساد چیف یوسی کوہن سے ملاقات میں ایک اہم پاکستانی شخصیت کا پیغام پہنچایا۔

رپورٹ میں دعویٰ کیا گیا ہے کہ یہ دورہ اور ملاقاتیں متحدہ عرب امارات کے دباؤ پر کی گئیں۔

رپورٹ میں کہا گیا ہے کہ دونوں ممالک کا بحیرہ اسود میں امریکی نیوی کے ساتھ مشترکہ بحری مشقوں میں حصہ لینے کا امکان ہے۔

اس خبر کو ایک اور اسرائیلی اخبار کے ایڈیٹر نے بھی سوشل میڈیا پر شیئر کیا ہے۔

פרסום ראשון: יועצו של ראש ממשלת פקיסטן אימרן חאן @sayedzbukhari נפגש בנובמבר בישראל עם ראש המוסד דאז יוסי כהן ????????????????#Israel #Pakistan @ImranKhanPTI @IsraelHayomHeb https://t.co/D5ZbQJI8JO

— Dean Shmuel Elmas (@ElmasDean) June 27, 2021

دوسری جانب وزیراعظم کے سابق معاون خصوصی ذلفی بخاری نے گزشتہ برس نومبر میں اسرائیل کے خفیہ دورے سے متعلق سوشل میڈیا پر گردش کرتی افواہوں کی تردید کی ہے اور ایسی تمام رپورٹس کو بے بنیاد اور احمقانہ قرار دیا ہے۔

DIDNOT go to Israel.
Funny bit is Pakistani paper says I went to Israel based on "Israeli news source" & Israeli paper says I went to Israel based on a “Pakistani source”-wonder who this imaginative Pakistani source is????

Apparently, I’m the only one who was kept out of the loop. https://t.co/bcRO3osWMk

— Sayed Z Bukhari (@sayedzbukhari) June 28, 2021

ایک بیان میں ذلفی بخاری کا کہنا ہے کہ اپنی ساری زندگی میں کبھی اسرائیل نہیں گیا، رپورٹ میں کیے گئے دعوے جھوٹ کا پلندہ ہیں، ان میں کوئی صداقت نہیں۔

خیال رہے کہ رِنگ روڈ اسکینڈل سامنے آنے پر ذلفی بخاری نے اپنا نام کلیئر ہونے تک اپنے عہدے سے استعفیٰ دے دیا تھا۔