پاکستان، ایف اے ٹی ایف کے مذاکرات اتوار سے تھائی لینڈ میں ہونگے

اسلام آباد (ش ح ط) پاکستان اور ایف اے ٹی ایف کے مذاکرات اتوار 8 سے 10 ستمبر کو تھائی لینڈ میں ہونگے۔

تفصیلات کے مطابق پاکستانی وفد (کل) سات ستمبر کو مذاکرات کیلئے بنکاک روانہ ہوگا، وزارت خزانہ، اسٹیٹ بینک، اقتصادی امور ڈویڑن، نیکٹا اور ایس ای سی پی حکام شامل ہونگے۔

ذرائع کے مطابق ایف اے ٹی ایف کا اجلاس 8 سے 10 ستمبر کو تھائی لینڈ کے شہر بنکاک میں ہوگا۔

ذرائع وزارت خزانہ کا کہنا ہے کہ اجلاس کی صدارت چین کے فنانشل انٹیلی جنس یونٹ کے سربراہ کریں گے، شریک چیئرمین بھارت کے فنانشل انٹیلی جنس یونٹ کے سربراہ بھی ہوں گے، ایشیا پیسفک گروپ میں پاکستان کی کارکردگی کا جائزہ لے گا۔

اجلاس میں پاکستان اپنا آخری دفاع پیش کرے گا، فنانشل ایکشن ٹاسک فورس کا حتمی اجلاس اکتوبر کے آخر میں پیرس میں ہوگا۔