پاکستان کوسٹ گارڈز کی گوادر میں کارروائی، 3 ارب روپے کی منشیات برآمد

کوئٹہ (ڈیلی اردو) پاکستان کوسٹ گارڈز نے کاروائی کرتے ہوئے 2,100 کلو گرام چرس برآمد کرلی۔

تفصیلات کے مطابقپاکستان کوسٹ گارڈزکو خفیہ ذرائع سے اطلاع ملی کہ گوادر (بلوچستان) کے ساحلی علاقے سے بھاری مقدار میں منشیات اسمگل ہونے کا خدشہ ہے۔ جس کو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو اپنے علاقے میں چیکنگ مزید سخت کرنے کے احکامات جاری کیے۔

پاکستان کوسٹ گارڈز کے جوانوں نے دورانِ چیکنگ جنرل ایریا گٹی۔ ڈور گوادر بوریوں میں چھپائی گئی 2,100 کلو گرام چرس برآمد کر لی گئی۔ منشیات کو پاکستان کوسٹ گارڈز نے اپنی تحویل میں لے لیا ہے۔ خدشہ ہے کہ یہ منشیات بیرون ملک اسمگل ہونا تھی۔

پکڑی جانے والی منشیات کی عالمی مارکیٹ میں مالیت تقریباً 3,255/-ملین روپے کے لگ بھگ ہے۔

ترجمان نے بتایا کہ منشیات بیرون ملک اسمگل ہونا تھی، پکڑی جانے والی منشیات کی عالمی مارکیٹ میں مالیت تقریباً 3 ارب سے زائد ہے۔

واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے اور ملکی معیشت کو مستحکم کرنے میں اپنا کردار ادا کرتی رہے گی۔