پاک بحریہ اور اینٹی نارکوٹکس فورس کی مشترکہ کارروائی، 1 ارب 80 کروڑ روپے کی منشیات پکڑ لی

کراچی (ڈیلی اردو) پاکستان بحریہ اور اینٹی نارکوٹکس فورس نے بلوچستان کے علاقے جیوانی کے قریب بحیرہ عرب میں مشترکہ انسدادِ منشیات آپریشن کے دوران ایک ارب اسی کروڑ روپے کی 200 کلو گرام آئس اور 99 کلو گرام کرسٹل ڈرگ تحویل میں لے لی۔

تفصیلات کے مطابق پاک بحریہ نے اینٹی نارکوٹکس فورس کے ہمراہ بلوچستان کے علاقے جیوانی میں مشترکہ کاروائی کرتے ہوئے 200 کلو گرام آئس اور 99 کلو گرام کرسٹل ڈرگ تحویل میں لے لی۔

#PakNavy & Anti-Narcotics Force (ANF) jointly apprehended drugs in NAS off Jiwani, Balochistan. Seized drugs handed over to ANF for further disposal. Successful Anti-Narcotics Ops in NAS is demo of PN resolve 2 counter illegal activities & promote maritime security in the region. pic.twitter.com/wlR0MLn1Ct

— DGPR (Navy) (@dgprPaknavy) December 11, 2020

پکڑی جانے والی منشیات کی مالیت کا تخمینہ ایک ارب اسی کروڑ روپے لگایا گیا ہے جسے بحیرہ عرب کے راستے نامعلوم مقام پر منتقل کیا جارہا تھا۔ضبط شدہ منشیات کو مزید قانونی کاروائی کے لیے اینٹی نارکوٹکس فورس کے حوالے کر دیاگیاہے۔

انسدادمنشیات کا کا میاب آپریشن سمندری حدود میں غیر قانونی سرگرمیوں کی روک تھام اور سمندری تحفظ کے فروغ کے لیے پاک بحریہ کی کاوشوں کا مظہر ہے۔