پشین: سی ٹی ڈی اور قانون نافذ کرنے والے اداروں کی کارروائی، 2 دہشتگرد ہلاک

کوئٹہ (بیورو رپورٹ) صوبہ بلوچستان کے ضلع پشین میں کانٹر ٹیررازم ڈیمارٹمنٹ اور دیگر قانون نافذ کرنے والے اداروں کی کارروائی کے دوران دو دہشت گرد ہلاک ہوگئے۔

تفصیلات کے مطابق پیر کو پشین کے علاقے سرخاب کے قریب افغان مہاجر کیمپ میں کانٹر ٹیررازم ڈیمارٹمنٹ (سی ٹی ڈی) اور دیگر قانون نافذ کرنے والے اداروں کے مشترکہ سرچ آپریشن کیا، جس کے دوران دہشت گردوں نے قانون نافذ کرنیوالے اداروں کے اہلکاروں پر فائرنگ کردی، جوابی فائرنگ میں 2 دہشت گرد مارے گئے۔ جبکہ ایک سیکورٹی اہلکار زخمی ہوگیا۔

#CounterTerrorism Department claimed to have gunned down two suspected militants during an operation carried out near #Afghan Refugee Camp #Sarghab district #Pishin #Balochistan, weapons including explosive ???? material were also confiscated,

— ???????? (@Info_Balochistn) January 27, 2020

سی ٹی ڈی اہلکاروں نے ہلاک ہونے والے دہشت گردوں کے قبضے سے اسلحہ اور دھماکہ خیز مواد قبضے میں لے لیا جبکہ نعشوں اور زخمی کو کوئٹہ ہسپتال منتقل کر دیا گیا ہے۔

ذرائع نے بتایا کہ واقعے کی اطلاع ملتے ہی سیکیورٹی فورسز کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کردیا۔