پنجاب: ننکانہ صاحب میں نامعلوم افراد کی فائرنگ سے پولیس اہلکار ہلاک

لاہور (ڈیلی اردو) صوبہ پنجاب کے ضلع ننکانہ صاحب میں مشکوک موٹر سائیکل سواروں نے تعاقب کرنے پر پولیس اہلکار کو  فائرنگ کر کے ہلاک کر دیا۔

انا للّٰہ وانا الیہ راجعون
پنجاب پولیس ننکانہ کے کانسٹیبل ارسلان اعجاز دوران گشت شرپسند عناصر کی فائرنگ سے شہید ہو گئے۔
آئی جی پنجاب فیصل شاہکار کا شہید کو خراج تحسین، ملزمان کی گرفتاری کے لیے فوری اقدامات کرنے کا حکم، قرار واقعی سزا دلوائی جائے گی۔#PunjabPolice #Martyr pic.twitter.com/1VKB1Pw4Fy

— Punjab Police Official (@OfficialDPRPP) August 31, 2022

پنجاب پولیس کے مطابق ننکانہ صاحب میں مشکوک موٹر سائیکل سواروں نے تعاقب کرنے پر پولیس اہلکار کو گولی ماری جس کے نتیجے میں ہلاک ہوگیا، کانسٹیبل ارسلان کی نمازجنازہ میں پولیس حکام اور  اہل علاقہ کی بڑی تعداد نے شرکت کی۔

پنجاب پولیس ننکانہ کے شہید کانسٹیبل ارسلان اعجاز کو سرکاری اعزاز کے ساتھ سپردِ خاک کر دیا گیا۔ آر پی او شیخوپورہ ڈاکٹر انعام وحید اور ڈی پی او ننکانہ سید خالد ہمدانی کی جنازہ میں شرکت، پولیس کے چاق و چوبند دستے نے شہید کو سلامی پیش کی۔#PunjabPolice #Martyrs #SalamPolice pic.twitter.com/fLJffnt9uW

— Punjab Police Official (@OfficialDPRPP) August 31, 2022

پولیس کے اعلی افسران نے کانسٹیبل ارسلان کے ملزمان کو جلد گرفتار کر کے کیفر کردار تک پہنچانے کاعزم بھی کیا۔