چارسدہ میں نامعلوم افراد کی فائرنگ سے پولیس اہلکار ہلاک

اسلام آباد (ش ح ط) صوبہ خیبر پختونخوا کے ضلع چارسدہ میں نامعلوم مسلح افراد نے پولیس اہلکار کو فائرنگ کرکے ہلاک کردیا۔

https://twitter.com/ShabbirTuri/status/1583717770138484736?t=yOJlC7Z0vvrK8kqlEtIm1Q&s=19

پولیس کے مطابق چارسدہ تھانہ عمرزئی کے حدود ترنگزئی مفتی آباد میں نامعلوم مسلح افراد نے فائرنگ کر کے پولیس کانسٹیبل بلال کو ہلاک کردیا۔ ملزمان واردات کے بعد فرار ہونے میں کامیاب ہوگئے۔

چارسدہ : تھانہ عمرزئی کی حدود ترنگزئی مفتی آباد میں نامعلوم شرپسندوں کی فائرنگ سے کانسٹیبل بلال شہادت کے مرتبے پر فائز ہوگئے۔ pic.twitter.com/yBby0l4PCq

— KP Police (@KP_Police1) October 22, 2022

پولیس کا کہنا ہے کہ مقتول پولیس اہلکار تھانہ تنگی منڈہ ہیڈ میں تعینات تھا۔ اسپیشل ڈیوٹی کے لئے تھانہ چارسدہ جا رہا تھا، تاک میں بیٹھے نامعلوم مسلح افراد نے فائرنگ کرکے ہلاک کردیا۔ پولیس نے واقعے کی تفتیش شروع کردی۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

ترجمان محمد خراسانی نے دعوی کیا ہے کہ سی ٹی ڈی اہلکار بلال مجاہدین کے خلاف حالیہ آپریشنز کی جاسوسی میں ملوث تھا۔